“VOGLIO STA’ NU POCO CU’ TTE!  DI Angela Quattromani

Chi si?
'A Tristezza!
E, che vvuò?
Voglio sta' nu poco cu' tte!
Mme cacciano tutte quante
E ijo mme sente accussì sola.
Che mmalincunia!

E si venuta a cercà proprio a mme
che songo ll' Allegria!

Io te vulesse accogliere,
te vulesse fa nu poco 'e cumpagnia!
Ma, po', comme facimme?
P' addeventà amiche, qualcosa in comune

l' 'avimma pure tenè!

Penzammice nu poco:a mme piace o' juorno,
a te 'a notte.
Io voglio ballà e cantà, tu t' allamiente sempe!

Comme vire, nun se po' proprio fà,
È nu rapporto ca nun po' durà!

 – dicette ll’ Allegria.

'A tristezza acalaje 'a capa e, 

zitta zitta mogia mogia,
s' avviaje verso 'a porta.

A chillu punto, ll' Allegria reaggette:
-Fermete, tuorn’ arrete!
Nu poco mme calme ijo, 'nu poco te scite tu
e stuorto o muorto nce facimme cumpagnia.

'A Tristezza, felice,se mettette a ridere.

L' Allegria era cuntenta e sse calmaje
e fu accussì che nascette 
chella ca nuje chiammammo:

-'A Serenitá!

Inizio modulo