"GELOSA 'E CHE? O, MEGLIO, GELOSA 'E CHI?" di Angela Quattromani

Che v' aggia dì, so' stata furtunata!
'A Vita m' ha fatto dduije regali speciali:
nun cunosco 'a parola "Gelosia"
e, tanto meno, 'a parola "Tradimento"!

Ma, spisso, mme domando:
-Gelosa 'e che o, meglio, 
gelosa e chi?

Comme si l' ammore
fosse nu pussesso!

Tu dici:-'A voglio bbene!
Io te rispongo:-Veramente?
Allora, falla vulà
e non 'a taglià 'e scelle!