"'NCE VEDIMMO DIMANE!-DICISTE- E IO 'NCE CREDETTE" di Angela Quattromani

'Nce vedimme dimane- diciste e io 'nce credette.
'O' vaso 'e cristalle, c'aspetta 'e rrose toije,
'e romantiche candele e peffino 'a tovaglia, co' rricamo fiorentine,
t' aggio apparicchiato.

Cenetta intima, un elegante tete-a-tete.
'Nce manchi solo tu, l' Ammore mijo.

Maggiu miso ll' abbito cchiù bello,
na vera sciccheria. Nu poco maliziuso, non lo nascondo!
C' è un vedi-non-vedi proprio da capogiro. 
E 'na spruzzata 'e prufumo, 
'na vera rarità:-Notte alle Awyaie- proprio pe' te fa 'mbriacà.

L' ultimo tocco? O' collier 'e brillante,
finezza esilarante de' riggine indiane.
Pure 'stu core s' è mmiso in pompa magna: 
zucchero e mmele pe' t' 'o ffa' mangià.

Ma 'o tiempe passe, 'a pendola antica
mme dice:-Spogliate, va', è tarde,
è inutile aspettà!

L'ultimo a sse spuglià è proprio 'stu core:
primma se leva o' surriso, po' 'a speranza, infine, ll' Ammore.
Resta svuotao, sì, ma è meglio a stà sulo, 
ca 'zieme a tte, che ssi' nu traditore!