"'A VITA OSSAIJE CHE DE', E' NU MUMENTO". di Angela Quattromani

E che fatica, cu' tte,
Madonna mia!
Pe' tte fa' dicere mezza parola
e cche 'nce vò!

Manco si stisse assettato addò dentiste.
E arrapela 'sta vocca, caccia fora
o' tuosseco ca tiene dint'o core!,

Sfogate, amico mio, finalmente!

'A vita ossaje che dè,
è nu mumento,
è comm' 'a 'na carezza:
nun ll' he manco fatta
e ggià è fernuta.

Te ggire arreto
e nun 'a truve cchiù.