“’A CHIAMMARONO <<ADDOLORATA>>”. DI Angela
Quattromani
“Te chiammarono “ADDOLORATA”
e genitori tuoije,
pe’ ricurdà e sette dulure d’’a mamma ‘e Cristo.
Ma ‘a MADONNA, gurdannete, appena nata, dicette o'
Figlie:
- Gesù, mme fa piacere che l’ hanno dato ‘stu nomme,
pe’ mme fa’ onore,
ma guardala nu poco ‘sta criatura!
Tene ‘a faccia do’ buon augurio e do’ surriso
e, purtarse ‘ncoppa ‘e spalle ‘stu nomme tutta ‘a vita
è nu poco pesante, Figlio mije!
‘O SIGNORE ‘a guardaije e stette nu poco zitto
po’, scapuzzianne, meravigliato, dicette:
-Ma’, cu ‘sta faccia ‘e sole che ttene,
‘a putevano chiammà Soletado, Speranza, peffino Gioia,
ma, chiammarla ADDULURATA, Marò, comme se fa!
‘A Madonna ch’ è stata sempe zitta, annanzo o’ Figlio,
‘sta vota, parlaije e dicette:
-Ossaije che facimme? ‘O nomme l’ hanno scelto ‘e
ggenitori
e ‘ncio lassamme sta’, ma pe’ riconoscenza
‘lle regalamme o’ SURRISO pe’ tutta ‘a vita.
E fu accussì ca tutte chelle che se chiammano
ADDOLORATA,
teneno ‘a faccia do’ sole e do’ surriso.