CHE NUTTATA, MADONNA MIA!  di Angela Quattromani

Che nuttata, Madonna mia bella!

Dinta ‘a sala d’attesa, o’ tiempe nun passa maje

E minute addeventane ore.

Ma che ddico, ore?

Addeventano n’ eternità.

‘Ncoppa, o’ siconde piano, figlieme sta assapuranno

che significa essere mamma.

So sulamente ‘e primme contrazioni

e ‘nce ne vo’ ancora tiempe!

Ma ‘a notte già pare spannere pe’ ll’ aria

O’ battito do’ core do’ piccerillo

Che sta pe’ nascere.

E’ llento o’ tiempe,

ma r grane da’ curona ,

che scorre mmieze ‘e ddete,

nun rallenta: songo accelerate.

E, mentre prego Ddio,

fisso ‘a porta

e m’ appare chiare chiare

o’ Crocifisso, ch’ arrape ll’ uocchije

e mme guarda, comme pe’ dicere:

- Nun te preoccupà, cca ‘nce stongh’ jo.

Po’, guarda verso a’ scala

Che porta ‘e piane ‘e coppa e ddice:

-‘Mo’ t’ ‘aggia lassà! Vaco vicino a figliete.

Nun te preoccupà.