"Ll' ANEMA SE METTETTE ANNANZE 'O SPECCHIO." di Angela Quattromani
Ll' Anema se mettette annanze 'o Specchio.
Aveva deciso 'e se cunoscere meglio.
Madò, subbeto 'e mmane 'nfaccia se mettette:
nerofummo, fuliggine e ragnatele
vedette.
Chella nun songh' ijo!-dicette-
è spuorco 'o Specchio.
Ma chi, stai fore!
- lle rispunnette 'o Specchio!
'A padrona, stammatina,
olio di gomito ha usato:
annanze, areto;
areto, annanze,
e mm' ha fatto nu brillante.
'A cuscienze, pe' nu poco tacette.
Po', sicura 'e sè dicette:
-Aspetta nu poco 'e tiempe
e mme ripresento
e, si nun me vide 'e brillà cchiù 'e te,
già da 'mò, te dongo o' permesso
'e mme piglià co' 'mbrello
e accussì facette.
Ma, nun appena 'o Speccho 'a vedette,
allungaje 'a mano e aizaje 'o 'mbrello.
Nessun commento:
Posta un commento