"TI AMO, PURE TROPPO, TU 'O SSAJE!" di Angela Quattromani

Comme si' belle, Mare, stammatina!
'Ngazzato comme 'a 'n 'omme rifiutato,
te stizze, faije e dispietti
e cirche 'e fa paura
pure a mme.

Onde a bizzeffe spumeggiano, cantanno,
e che prufumo portano, mmieze a 'sti scogli!
Se 'ncontrano, s' abbracciano, 
s' appiccecano e po' se lasciano.

E, proprio comm' 'a 'n' omme ggeluse,
mm' astrigne sempe cchiù fforte.
Te siente nu padrone 
e nun mme vuò lassà.

Facimme a chi è cchiù fforte:
tu mm' arisucchie, ma ijo
'mposto e piedi 'nterra,
'a sabbia mme sustene 
e nun me fa trascinà.

Ti amo, pure troppo, 
Mare mijo bello,tu 'o ssaje!
Ma si' nu traditore e ijo
nun ci' 'a faccio cchiù 
a te suppurtà.