"SENTO CH' O' PARAVISE 'NCE LL' HA PURTATO CCA!" di Angela Quattromani

Che notte e cche stelle 'e fuoco!
Pare ca luna se sta tuffanno 'a' mmare.
E nnuije, stritte stritte abbracciate,
sentimmo e core nuoste
che cantano 
a canzone 'e ll' ammore.

Ll' Angelo de' 'nnammurate,
ricciuto e sorridente,
sunanno ll' arpa antica,
ce guarda alleramente.

E, mentre 'nce vasammo,
j' o' core sbatte forte,
sento ch' o' Paravise
'nce ll' ha purtato cca.

Napule, munno d' ammore,
culla addurosa e chi vo' bbene,
suggiello tu 'stu bbene
e, senza dirlo o' viento,
'astipalo 'nfunno o' mare
addò sulo 'e Sirene
se ponno 'nnammurà.