"LUIGGINO MIJO SE N' E' SAGLIUTO 'E CAPE" di Angela Quattromani
Nun chiagnere! - dicive - Ch' è succieso?
Pare 'na pazza, tutta scapellata!
E calmate nu poco, ijammo! 
Chello ch' è stato è stato, nun fa niente!
Maije cchiù nera d' 'a mezzanotte po' vvenì.
Sulo p' 'a morte nun ce sta remmedio.
Appena diciste chesti ccose, m' aizaije 'e scatto:
-Ma quà calmate e calmete!
A cierti ccose nun ce stà remmedio.
e sulo ca' morte se ponn' apparà!
Ijo ero ricca, ma 'na ricchezza 'e core.
Manco 'a riggina era cchiù ricca 'e me.
Po', è arrivata 'a sarta do' quartiere.
'Na parulella oggi, nu surriso dimane
e Luiggino mio se n' è sagliuto 'e cape.
-E 'mmo?
-E 'mmo, e 'mmo:se ne sò gghiuto 'nzieme.
Luiggino ha pigliato 'na villa, 'e capito! 
Na villa 'ncoppa Pusilleco e se ne so' gghijuto llà.