"TU, LL' AMMORE MIJO, STAJE 'MBRACCIO A 'NATA". di Angela Quattromani

Doce è 'a notte e ll' aria è fresca
e o' silenzio mme culla comm' 'a 'na mamma.
Io mme lascia abbraccià da' luce de' stelle, 
mentre, penzanno a te, sto a suspirà.

Dorme 'stu paese maltrattato!
Affacciata a' fenestra, 'na mamma chiagne:
aspetta o' figlio ca nun torna ancora:
so' llacreme d' ammore, lacreme amare!

'A luna s' è stancata e se pripara
pe' s' addurmì, ch' 'e stelle tutt' ‘attuorno.
Ll' anema mia, pure, nun trova pace
Mentre tu, ll' ammore mijo, staje 'mbraccio a ' nata.