"CHE STRILLE DINTO O' VICO!" di Angela Quattromami

È mmuorto!!! Chi? 'O figlio 'e Nannina!
Che strille, dinto o' vico! Squarciavano ll' aria.
Chella brutta malatia, senza chiedere permesso,
ll' ha tagliato 'e rradici.

Chiagne 'a mamma 'stu figlio, ormai friddo!
Se ll' 'astregno 'ncoppa o' core,senza sentì raggione.
-Morte, Morte ' nfame e' sbagliato perzona!
Meglio che tte pigliava a mme!- 
dice Nannina.

-'Nfamò, senza pietá, mm' 'e spezzato 'o core.
Mmo', che mme ne faccio cchiù
d' 'a vita mija?