"A PACIENZE SE SCUCCIAJE E SE SCUNTRAJE FACCIA A FACCIA CU’ LL’ AMMORE" di Angela Quattromani

Nu juorno 'a Pacienze se scucciaje
e sse scuntraje faccia a faccia cu' ll' Ammore.

- Mmo' bbasta, ma veramente bbasta!
È una, è ddoje, è tre,
ma pure o' pozzo 'e Giobbe, po', s' asciuga!

Nun t' accuntiente maje, staje sempe llà a dicere:
"E su, falle pe' mme, ange pacienza!".

E ijo te dongo o' dito e tu te piglie 'a mano.
E ijo te dongo 'a mano e tu te piglje o braccio.
E ijo te dongo o braccio e tu che faje?
Mme cirche tutta 'a vita!

Ma mo', 'e fernute! Aiza barracca e burrattine 
e cagna strada, 'e' capito?

All' Ammore 'nce scennetta 'a lengua,
acalaje 'a capa e, senza dicere manco 'na parola,
pigliaje 'a valigia e s' avviaje.

Nun vedenno chesto, 'a Pacienza se calmaje.
-Fermate, resta cca, che ffaje? 
M' hanno pigliate e cinche minute!
E ddaje! Resta cca e ss' 'o vasaje.