JAMMERE FRISCHE,… BELL' E JAMMERE! di Angela Quattromani

Quand' ero piccerella, c' allegria
era 'o paese mijo: Casavatore!
Nu fazzuletto 'e terra 'mmieze 'e ccampagne.
Cummannavano o’ farmacista, 'a marchesa "Torre" e'na vammana.
A' matina, appena all' alba, "zi' Tore", o' maruzzaro,
c' addore che spanneva, cu' e purputielle verace.
E, proprio 'ncoppa a' strada principale,
na signora, 'a "Mussaspaccata", 
venneva 'o samurchio: e cche bontà.
Mica è fernuta! 'Ncoppa "a' Venella, "Tolla",
a vierno, venneva 'e cuoppe allesse,
e,d'estate, invece, 'e mmele 'o furno:
Marò, che squisitezza, cchiù doce do' babbà!
E, quanno, 'a sera, stevamo a cenà,
'a voce: "Jammare frische! Bell' e jammare!"
nun mancava maje.
Eravamo felice cu' poco:
nu strummelo, 'na bambola 'e pezze!
Incece mo?
Niente cchiù bbasta pa' felicità!