"'A MADONNA DO' MANTESINO" di Angela Quattromani

Quanta lacreme, stanotte, scennene! 
Scorrene comme fiume in piena.
So' amare, nisciune 'e vede, so' cucente 
e fanno male e bbruciano!

'E vulesse mannà arreto, ma nun ce riesco
e mme domando:-'E lacreme 'e dulore,
chillo che strazia o' core, 
so' lacreme speciale e so preziose
oppure,pecchè nisciune 'e vede,
nun tenene valore?

E, mentre penzo, 'na luce s' avvicina:
è 'a Madonna
che mantene e pizze do' mantesino.
Mme fa segno 'e guardà.
Io m' affaccio e, dinto o' mantesino,
vedo "nu mare 'e lacreme".

So llacreme cadute p' 'e grosse sofferenze.
Io 'e raccolgo,-dice Maria- manc' una ne va perza. 
Mme servono p' innaffià e coreca so' prive d' ammore e nun tenene speranza.

L' innaffio a tutte ll' ore e tanto 'a fernesco, 
quanno dinto o' deserto 'e chilli core,
o' valore 'e 'sti llacreme
fa crescere Erba e Fiori.