“L’ AMMORE S’ AZZECCA MOCCA COMME O’ MMIELE” di Angela Quattromani

"AMMORE" è ' na parola piccerella,
tennera assaje e, po', è accussì gustosa!
S' azzecca 'mmocca, prorio comme o' mmiele
e, mentre 'a dice, te 'mbriaca o' core.

Dicenno "AMMORE", si n' essere felice,
cchiù ricche de' rignante tutt' assieme.
Niente soddisfa cchiù ‘e ‘sta parulella
che riesce a fa’, da vita, zucchero e rose.

L’ AMMORE te ‘ncatena, t’ arravoglia!
Ato che chantilly o crema pasticciera,
cchiù ddoce do' babbà, te regne o’ core
e ave sempe raggione! Nun zia maje lle daje tuorte!

L’ AMMORE è ‘a vita, o’ sole, o’ mare, ‘a ggente,
pecchè senza l’ AMMORE ‘a vita nun ha senzo,
o’ sole se raffredda e nun te scarfa,
o’ mare nun è azzurro e ‘a ggente è malamente.