“GLI INUTILI LAMENTI”  di Angela Quattromani

E mme ne jevo chiano pe’ ‘na via.

Penzavo: - Che ‘nce faccio ‘ncoppa a’ Terra?

Nun tengo solde, nemmeno nu cuscino

pe’ pusà ‘a capa, quanno scenne ‘a sera.

E, mentre io penzavo chesti ccose,

passaje pe’ llà “nu criaturiello cieco”:

-Fate la carità, signore mijo!

Nun tengo o’ pane e, chello ca cchiù è peggio,

nun saccio comm’ è o’ mare

e comm’ è o’ cielo.

Spisso, tuccanno ‘a faccia ‘e mamma mija,

sento ch’ è bella cchiù da vita stessa.

Comme vurria vedè mammella mija,

quanno m’ astregne forte forte ‘mpietto!