QUANNO ‘O CORE FA “O’ SURDO DO’ CUMPARE”
di Angela Quattromani

Vurria sapè pecchè stu core nun ‘a vo’ fernì:
accelera, se blocca, batte cchiù forte e na tammorra.
Po’ se rilassa, fa l’ ingenuo, fa finta e nun capì.

Inzomma, ‘o vuò capì ch’ è passato o’ tiempo 
de’ suonne d’ oro, de’ serata a Marechiaro,
addo’ contene ‘e stelle tutte e nnammurate?

Ma niente: a ‘sta recchia nun sente
e nemmeno a chell’ ata: 
fa ‘o surdo do’ cumpare:
sente quando lle pare.

E continua a rincorrere sogni mai dimenticati.
se friccechea, se sbatte, corre co’ viente.
Nisciuno ‘o po’ fermà.

Po’, senza ‘ntennere ragione,
allong’ ‘a mano e afferra l’ attimo,
l’ astregne forte e nun ‘o fa scappà.